ရှင်မတောင်တော် သည် အညာဒေသ ၏ အိုအေစစ်သဖွယ် ဖြစ်လာ
ပခုက္ကူခရိုင်၊ရေစကြိုမြို့နယ် အညာဒေသရှိ ရှင်မတောင် သည် ဆေးဖက်ဝင် နွယ်မြက် သစ်ပင်များ စုဆောင်း သုတေသနပြုရာ တောင်တစ်တောင် ဖြစ်နေပြီး သစ်တောဌာန ၏ လုပ်ဆောင် မှုကြောင့် ရှင်မတောင် တော်သည် သစ်ပင်မျိုးစုံတို့ ဖြင့် စိမ်းလန်း သာယာလျက် ရှိကြောင်း သိရသည်။
.
ပခုက္ကူ- ရေစကြို- မြိုင် နယ်ဆုံရာ တြိဂံအရပ်၌ တည်ရှိပြီး ပခုက္ကူ နှင့် ၁၇ မိုင်ခန့် ကွာဝေးသော ရှင်မတောင်တော် ပေါ်တွင် အလောင်းစည်သူ မင်းကြီး၏ ကောင်းမှု သရက္ခန် ရုပ်ပွားတော်မြတ် နှင့် ရွှေမုဋ္ဌော ဆုတောင်းပြည့် စေတီတော်ကြီး ကိန်းဝပ် စံပျော်ရာ ဒေသထူးလည်း ဖြစ်သည်။ ဗုဒ္ဓပူဇနိယ ပွဲတော်ကို နှစ်စဉ် ဆေးပေါင်းခ သည့် တန်ဆောင်မုန်း လပြည့်နေ့၌ စည်ကား သိုက်မြိုက်စွာ ဆင်ယင် ကျင်းပကြောင်း သိရသည်။
.
ဆေးဖက်ဝင် နွယ်မြက်သစ်ပင် အပါအဝင် ရှင်မတောင်တော် တွင်သာ ပေါက်ရောက်သော နာဂမှိုင်း၊ နာဂမောက်၊ နာဂသွေး၊ နာဂဖို၊ နာဂမ စသည့် ဆေးဖက်ဝင် အပင်များ ပေါက်၍ တိုင်းရင်းဆေး သမားတော်များ၊ တိုင်းရင်းဆေး စာတမ်း ပြုစုသူများ အတွက် လွန်စွာ အသုံးဝင်သည့် တောင်တော် ဖြစ်လာကြောင်း သိရသည်။
.
''ရှင်မတောင်နဲ့ ပုပ္ပားတောင် တို့က အညာဒေသရဲ့ ဆေးဖက်ဝင် တောင်တော်တွေပါ။ ပုပ္ပားတောင် က ပန်းတစ်ပွင့် ပိုသလို ရှင်မတောင် က ဆေးမြစ်တစ်မြစ် ပိုတယ်လို့ အဆိုရှိပါတယ်။ ရှေးယခင် ကတည်းက ဒီနေ့တိုင်အောင် နွယ်မြက်သစ်ပင် ဆေးဖက်ဝင် အပင်မျိုးစုံ ပေါက်ရောက် နေတဲ့ တောင်တော်ကြီး ပါ'' ဟု ရှင်မတောင် တောင်ခြေရင်း ချင်းယားကုန်း ရွာသားတစ်ဦး က ပြောပြသည်။
.
နာ(၅)မျိုး ဆေးဖက်ဝင် အပင်များ အပြင် တောဆီးဖြူ၊ ဓာတ်လေးပါး၊ ပိတ်သင်းကပ်၊ သမားမုန်း၊ တောင်လုံးကျော်၊ ပုပ်စမ စသည့် ဆေးပင်မျိုးပေါင်း ၁ဝဝ ကျော် ပေါက်ရောက် ကြောင်း သိရသည်။ ရှင်မတောင်တော် အမြင့်သည်
၁၇၂၃ ပေ အမြင့်ရှိသည်။ တောင် ၉၉ လုံးဝန်းရံလျက် တောင်ကြော ဒေသသည် မိုင် ၂ဝ ခန့် ရှည်လျားသည်။ ရွှေသမင်များ၊ မျောက်များ ပျော်မွေ့စွာ နေထိုင် ကြသည်။ ရှင်မတောင် ကြိုးဝိုင်းသည် ၁၄၉၉၅ ဧက ရှိလျက် သစ်အမျိုးအစား ပေါင်း ၁၅ဝ ခန့် ပေါက်ရောက် သည်။ ရှင်မတောင် အိုအေစစ် ကို အမှီပြု၍ ဆင်ချောင်းဆည်၊ တောင်ကြားဆည်၊ တောင်ဝါတောင် ဆည်၊ အညာတောဆည် များနှင့် သောက်သုံးရေ အပြင် လယ်ယာမြေ ဧက
ပေါင်းများစွာဖြင့် စိမ်းလန်း စိုပြည် နေကြောင်း သိရသည်။
(ပြည်မြန်မာ မှ)
Credit- ရေစကြို သတင်းမီဒီယာ
No comments:
Post a Comment