ရာဇဝင်ထဲက ချင်းတွင်းရေစကြို
------------------------------
ချင်းတွင်းမြစ်ရဲ့ အနောက်ဘက်ကမ်းနံဘေး
ရေစကြိုမြို့လေးမှာ
ဂန္ထဝင်စာတွေရေးခဲ့တဲ့ အောင်လင်း(အရိုင်းစံပယ်)ကိုမွေးခဲ့တယ် . . .
ရေစကြိုမြို့လေးမှာ
အောင်သန်း၏အောင်ဆန်းကို ရေးခဲ့သူ
ဦးအောင်သန်း မြို့အုပ်လုပ်ခဲ့ဖူးတယ် . . .
တက္ကသိုလ်ကျောင်းသားကိုအောင်ဆန်း
အစ်ကို့အရိပ်ကို ခိုခဲ့ဖူးတယ် . . .
ရေစကြိုမှာ ခိုခဲ့ဖူးတယ် . . .
ချင်းတွင်းမြစ်ရဲ့ ဆည်းဆာအလှ
ပန်းတော်ပြင်ဆိပ်ကမ်းက
ရေမျောကမ်းတင် သစ်တုံးကြီးပေါ်မှာ
ညနေများစွာ ထိုင်ကြည့်ခဲ့ဖူးတယ် . . .
မြစ်ကမ်းနံဘေး ''အောင်မြေသာယာသူဌေးတိုက်ကြီး''ရဲ့ ခန့်ညားထည်ဝါမှုတွေကို
သူ့ဒိုင်ယာရီထဲမှာ မှတ်တမ်းပြုခဲ့တယ် ...
ကိုအောင်ဆန်း ဒိုင်ယာရီထဲကရေစကြို ...
ကိုအောင်ဆန်းနှလုံးသားထဲက ရေစကြို ...
သမိုင်းထဲက ရေစကြို ...
ပခန်းဦးမင်းကျော် ရေကိုစ-ကြိုခဲ့တဲ့ ရေစကြို ...
ဘိုရုံဆိပ်မှာ ဘိုမကြီးကိုလက်ဆွဲ
သင်္ဘောပေါ်ကဆင်းလာတဲ့
'ဆာပေါ်ထွန်း'ကို သောင်းသောင်ဖြဖြ
သံပုံးတီး ဆန္ဒပြခဲ့ကြတဲ့ ရေစကြို ...
ရာဇဝင်မှာ
မော်တင်ဂရက်လို့ နာမည်ထွက်ခဲ့တဲ့ ရေစကြို ...
သခင်မော်တင်တို့ သခင်လှမောင်တို့ရဲ့ ရေစကြို ...
အလံနီမြို့တော်လို့ နာမည်ကျော်တဲ့ ရေစကြို ...
စာရေးဆရာ ရေစကြိုညွန့်အောင်တို့l ဆရာတင်မိုးတို့
ကျောင်းသားအမတ်'ကိုကျော်'တို့ရဲ့ ရေစကြို ...
သားအရင်းက ပြန်သတ်ခံခဲ့ရတဲ့ ပန်းတော်ပြင်ရပ်သား
(ဗ.က.ပ)ရဲဘော်ဋ္ဌေးရဲ့ ဇာတိရေစကြို ...
ဆေးလိပ်လည်းတို နေလည်းညိုပြီl ငါ့ကို ... ဆိုတဲ့
ဆရာတင်မိုးရဲ့ ရေစကြို ...
အမေရိကန်ကပြန်ရောက်ရင် ရေစကြိုကို ငါပြန်လာခဲ့မယ်လို့
ဆရာမောင်နီဆန်းကို မှာသွားခဲ့ပြီး
နေညိုပေမယ့် ပြန်မရောက်နိုင်တော့တဲ့ရေစကြို ...
လွတ်လပ်ရေးရပြီးရင် တစ်ကျော့ပြန် ပြန်လာဖို့
ဒိုင်ယာရီမှာ တေးမှတ်ထားခဲ့ပေမယ့်
ဗိုလ်ချုပ်အောင်ဆန်း ပြန်မရောက်နိုင်တော့တဲ့ ရေစကြို ...
၈၈-ခုနှစ်တွေ့ရတုန်းက
ဖေဖေ့ဒိုင်ယာရီထဲက ဖတ်ဖူးတဲ့ ရေစကြိုကို
တစ်ခေါက်တစ်ခါ လာရောက်ချင်တယ်ဆိုခဲ့ပေမယ့်
အကြောင်းမသင့် အခွင့်မသာလို့
ဒေါ်အောင်ဆန်းစုကြည် ရောက်မလာနိုင်သေးတဲ့ ရေစကြို ...
ချင်းတွင်းသားတွေ
စုံခဲ့တဲ့l ဆန်ခဲ့တဲ့ ရေစကြို ...
ဘယ်ခါမဆို ချိုစေမြစေတဲ့ ချင်းတွင်းရေချိုချို
နေညိုညို အိုလေလှလေ လှနေတဲ့ ချင်းတွင်းရေစကြို ...။
မောင်သန်းဆွေ(အညာမြေ)
၉.၉.၂၀၁၃
No comments:
Post a Comment