Photo credit- Original Uploader
Saturday, July 16, 2016
Tuesday, July 12, 2016
မကြာမီ ထုလုပ်ပြီးစီးတော့မည့် ဗိုလ်ချုပ်အောင်ဆန်းကြေးရုပ်ထားရှိမည့် နေရာအား သတ်မှတ်ထားသည့် ရုံးပေါင်းစုံဝင်း အစား မြို့အဝင် တြိဂံနေရာ၌သာ ထားရှိရန် ရေစကြိုမြို့ခံများ လိုလား
မကြာမီ ထုလုပ်ပြီးစီးတော့မည့် ဗိုလ်ချုပ်အောင်ဆန်းကြေးရုပ်ထားရှိမည့် နေရာအား သတ်မှတ်ထားသည့် ရုံးပေါင်းစုံဝင်း အစား မြို့အဝင် တြိဂံနေရာ၌သာ ထားရှိရန် ရေစကြိုမြို့ခံများ လိုလားလျက်ရှိကြောင်းသိရပါသည်။
စစ်ဝတ်စုံဖြင့် ဓားထောက်ရပ်နေသည့် သဏ္ဍန်ရှိ ဗိုလ်ချုပ်ကြေးရုပ်သည် အမြင့်ပေ ၉ပေခွဲ၊ကြေးပိဿာချိန် ၂၀၀ ဝန်းကျင် (ကာလတန်ကြေး ကျပ်သိန်း၁၀၀ကျော်) ဖြင့် ထုလုပ်ထားကြောင်း ကြေးသွန်းပညာရှင် ဦးသန်းဇော် နှင့် ပန်းချီပညာရှင် ဦးဇင်မင်းထွန်းက ဆိုသည်။
Saturday, July 2, 2016
ရေစကြိုမြို့နယ်အတွင်း ဧရာဝတီမြစ်ကမ်းပါး ဆက်လက်ပြိုကျမှုကြောင့် စိုက်ပျိုးမြေ အများအပြား ဆုံးရှုံးနေ
ရေစကြိုမြို့နယ် အတွင်း ဧရာဝတီမြစ်ကမ်းပါး ဆက်လက်ပြိုကျမှုကြောင့်
စိုက်ပျိုးမြေ အများအပြား ဆုံးရှုံးနေ
ဗလဗကျေးရွာမှ ဒေသခံများ၏ စိုက်ပျိုးမြေများ ကမ်းပြိုမှုကြောင့် ပြိုကျပျက်စီး နေမှုအား ဇွန် ၂၀ ရက်က မြင်တွေ့ရစဉ်
ယခုနှစ် မြစ်ရေတက်ကာလ မေလလယ်ပိုင်းမှစ၍ ကမ်းပြိုမှု ကြုံတွေ့နေရသည့် ရေစကြိုမြို့နယ်တွင်း ဧရာဝတီ မြစ်ကမ်းနံဘေး ကျေးရွာများမှာ ကမ်းပါးပြိုကျမှု ရပ်တန့်ခြင်း မရှိသည့်အတွက် ဒေသခံများ စိုက်ပျိုးမြေ အများအပြား ဆုံးရှုံးနေပြီး လုပ်စားမြေ အခက်အခဲများ ကြုံတွေ့နေကြောင်း ဒေသခံများ ပြောကြားချက်အရ သိရသည်။
ရေစကြိုမြို့နယ်တွင်း ဧရာဝတီမြစ်ကမ်းဘေးရှိ ဗလဗကျေးရွာ၊ ငမြာလေးကျေးရွာနှင့် ကွေ့ထောင့်ကျေးရွာများမှ ဒေသခံများ၏ စိုက်ပျိုးမြေများ မြစ်ရေတိုက်စားမှုကြောင့် ဧက ရာနှင့်ချီ ပြိုကျပျက်စီး နေသည့်အတွက် ဒေသခံများမှာ လုပ်စားမြေ ရှားပါးသည့် အခက်အခဲများ ကြုံတွေ့လာရခြင်း ဖြစ်ကြောင်း သိရသည်။
"ခုရက်ပိုင်း ကမ်းပါးက ရေတိုက်စား တော့ ဆက်တိုက်ပြိုနေတယ်။ တားဆီးနိုင်တဲ့ အနေအထားလည်း မရှိတော့ ထိုင်ကြည့်နေရုံပဲ။ မြေနုစိုက်ခင်းကတော့ အားလုံးကုန်ပြီ ပြောရတယ်။ မြေနုပိုင်တဲ့သူတွေ အတွက် တော့ နောက်နှစ် ဘာစိုက်စားရမယ် မသိဘူး" ဟု ကမ်းပြိုမှုကြောင့် မြေယာဆုံးရှုံးနေသည့် ဗလဗကျေးရွာမှ ကိုမောင်ကောက်က ပြောကြားသည်။
ရေစကြိုမြို့နယ်တွင်း ကျေးရွာများမှ မြစ်ရေတိုက်စားမှုကြောင့် ပြိုကျပျက်စီးနေသော ဒေသခံများ၏ စိုက်ပျိုးမြေများတွင် ရိတ်သိမ်းနိုင်ခြင်း မရှိသေးသည့် သီးနှံများရှိ နေသည့်အတွက် ဒေသခံများမှာ ဆုံးရှုံးမှု ပိုမိုများပြားခဲ့ကြောင်း သိရသည်။
"မရိတ်ရသေးတဲ့ ပဲတီစိမ်းတွေ ကျန်ပေ မယ့်ကမ်းက ပြိုနေတော့ဘယ်သူမှ အရဲစွန့်ပြီး သွားမဆွတ်ရဲဘူး။ ကမ်းပြိုတာက အောက်ပိုင်း သဲလွှာကို လိုက်စားပြီး ပြိုတာဆိုတော့ ဘယ် လောက်ပြိုမယ်ဆိုတာ မှန်းမရဘူး။ အခင်းရှင် တွေကလည်း ကြောက်တော့ ရိတ်မနေတော့ဘဲ ဒီတိုင်းထားလိုက်တော့တာ။ ဒီနှစ် အနေနဲ့ အခက်အခဲ မရှိပေမယ့် နောက်နှစ်ကတော့ ဘာလုပ်စားရမယ်ကို မသိတော့ဘူး" ဟု ရေစကြိုမြို့နယ် ငါမြားလေး ကျေးရွာ ဒေသခံ တစ်ဦးက ပြောကြားသည်။
ပခုက္ကူခရိုင်၊ ရေစကြိုမြို့နယ်တွင်း ဧရာဝတီမြစ်နှင့် ချင်းတွင်းမြစ်ကမ်း နံဘေးတွင် တည်ရှိသည့် ကျေးရွာများ၌ ကမ်းပြိုမှု ဆိုးရွားစွာ ဖြစ်ပေါ်နေသည့်အတွက် စိုက်ပျိုးမြေ အများအပြား ဆုံးရှုံးနေသည့်အပြင် လူနေအိမ် အချို့ပါ ရွှေ့ပြောင်းရန် ပြင်ဆင်နေရကြောင်း ဒေသခံများထံမှ သိရသည်။
Writer:
သက်ထိန်ဝင်း
(Credit: Eleven Media Group)
Subscribe to:
Posts (Atom)